ТИЙКАРҒЫ БӨЛИМ

КОЛЛЕДЖ ДИРЕКТОРЫНЫҢ ВИРТУАЛ ҚАБЫЛЛАЎХАНАСЫ

ТИЗИМГЕ КИРИЎ
 

Логин:

 

Пароль:

 
 



 
 
 

Бас бети

Бизиң колледжимиз 1988-жылда «СПТУ 18» яғный Орта кәсип-техникалық училищеси болып ашылған. Оқыў журтының уақытша директоры Т.Хожамбергенов болған. Усы жылдың 3-октябринен баслап Л.И.Пасичникке билим журтына директор етип буйрық берилген. Соң ала муғаллимлерден А.Қалқоразова, А.Юсупова, Ж.Қосымбетов, К.Утегенова, Ш.Тундыбаева, П.Жиемуратова, Қ.Бабақов   Т.Алланазарова, У.Алимова, З.Зарикеева ҳәм т.б. сол күннен баслап-ақ жумыс ислеген.  Билим журты «Нөкис қалалық №18  кәсип-өнер мектеби», «№2 Нөкис саўда, ўлыўма аўқатланыў ҳәм хызмет көрсетиў кәсип-өнер колледжи» деп аталған болса, 

2004-жылдан баслап Нөкис турмыс хызметин көрсетиў ҳәм экономика кәсип-өнер колледжи деп атала баслады ҳәм 2007-жылдан баслап Ж.Уснатдинова колледжимиз директоры лауазымында жумыс алып бармақта.

Бүгинги күнге дейин билим журтын 1793 бала питкерип щыққан. Олар республикамыздың түрли жерлеринде жемисли мийнет етип атыр. Олардан Рейпназаров Тимур, Исмайлов Қайрат, Хожамуратов Дәўлет, Кушанов Нурлан ҳәм т. б. оқыўшыларымыз бенен мақтана аламыз. 

Ал, «Көрсем деймен озимнен де, көш илгери озғанын» деп жүрген муғаллимлердиң үмитин ақлап, оқыўды питкергеннен соң оқытыўшы муаллим болып ислеп атырғанларда бар. Олар: 

Таганова Рабиға (Кегейли ТХК ҳәм КӨК) 

Хожамбергенова Зерихан (Нөкис полит. КӨК) 

Ниетуллаева Света (НТХК ҳәм Экономика КӨК) ҳәм т.б. 

Инсанға  бир рет ғана инам етилетуғын «өмир»  аталмыш дүньяның мазмунлы, қызықлы, өзгелер ҳәўес ететуғындай, әўладларларыңа мақтана алатуғындай етип өтиўи өз қолларыңызда.

Өмир өте береди. Изимде жақсы  исим,өнегели өмирим, көркем бейнем, атақлы  атым  қалсын деп мийнет етип атырған , бизлер мақтаныш ететуғын кәсиплеслеримиз бар.

Муғаллимлеримизден Перуза Жиемуратова, Зинеш Акмурзина, Замира Зарикеева,     апалар    «Щухрат» медалы,       «Өзбекстанға мийнети сиңген устаз» ҳүрметли атақлар алыўға миясар болды.

Колледжимизде ислеген ветеран апамыз Ахмерова Факия Хисомовнаның да бир қанша сыйлықлары бар.

Усы күнге шекем билим журтына төмендеги аты көрсетилген инсанлар директор болып  келди: Л.И.Пасичник, 

А.Абдикаримов, 

Д.Утебаев, 

Т.Дошекенов, 

Ж.Уснатдинова. 

Кадрлар таярлаў миллий дәстүри  Ҳәм  билимлендириў тараўын раўажландырыў ушын қурылған колледжлар ҳәм лицейлер қатарында 

2006-жылы колледжимиз қайта реконструкциядан өткизилди. 

Бизиң колледжимиз жаслары  да замангөй  билим ҳәм кәсип-өнерлерден   тәлим алыўы ушын минәсип шараят жаратылды. 

Ҳәр бир инсанның өмиринде из қалдыратуғын, жанып турған жулдыз сыяқлы сөнбейтүғын жеке басына ғана  тән болған өмир жолы болыўы тийис. 

Бул   қандай – жол?!

Бул инсан өмири даўамында ерискен абыройы, ҳурмети атағы жақсы иси арқылы ерисилген даңқлы жолы.

Өзиниң өмирден таңлаған кәсиби арқылы айналасындағы адамларға, жәмийетке тийигизген пайдалы иси, қол жеткизген табыслары, дөретпелери.

Бизиң колледжимиздиң директоры Жумагул Шараповна   тарийхый өзгерислердиң басламашысы болды.  Ол Қубла Кореяда билимин жетилистирип қайтты. Және де сапарынан алған тәсирлери  бойынша бирнеше  мийнетлерин дөретти. Бул дөретпелериниң мазмуны менен сизлер  республикалық газеталардан танысыўыңызға болады. Оларды атап өтетуғын болсақ: Еркин Қарақалпақстан газетасының 2012-жылғы №14 санындағы

«Кореядан кеўил толқып қайтқанда», Халқ сузи газетасының 

2012-жылғы 19-июниндеги саны «Имконият, имтиёз, самара», Қарақалпақстан таңы газетасының 2012-жылғы №9 санында «Билим ва тажриба уйғунлиги» деген статьяларын оқып билип алыўыңызға болады.

Ҳәзирги күнде колледжимизде  27 оқыў ханасы, 2 ислеп шығарыў  устаханасы, 3 компьютор ханасы, 1 телемастер устаханасы ислеп тур. 

Оқыўшыларға 55 муғаллим сабақ береди. Соның 27-си ўлыўма, ал

28-и арнаўлы пән бойынша тәлим бериўши оқытыўшылар болып есапланады. 

Колледжимизде төрт кафедра жумыс ислейди. Олар:

«Социал-гуманитар» пәнлер кафедрасы

«Анық» пәнлер кафедрасы 

«Арнаўлы» пәнлер кафедрасы

«Экономика» пәнлер кафедрасы Бүгинги күнде «Социал-гуманитар» пәнлер кафедрасына Джузганова Назифа, «Анық» пәнлер кафедрасына Султанова Зәўре, «Арнаўлы» пәнлер кафедрасына Дәўлетбаева Фарида, «Экономика» пәнлер кафедрасына Асқарова Гулилер басшылық етип атыр. 

Ҳәр жылы «Пән айлығы» өткериледи. 

Кафедралар  «Пән ҳәптеликлерин» өткизип турады.

Ўлыўма колледжимизде  манаўият ҳәм руўхыйлық ислерин Аймаханова Орынбийке Жанзақовна үлгили дәрежеде жүргизип келеди. Ол кисиниң басшылығында  белгили сәнелерге арналған кешелер, Миллетлераралық татыўлықты беккемлеўге арналған «Фестиваллар» , шыпакерлер ҳәм орган тараўлары хызметкерлери менен ушырасыўлар,  кәсипке бағдарлаў жумыслары бойынша  мектеп питкериўши оқыўшылар менен «Ашық есиклер» күни, ҳәр түрли ойынлар жоқары руўхта өткизилип турады.

Бизлерде заман талабына сай толық сабақ өтиў мүмкиншиликлери бар. Оқыўшыларға да бос ўақытларын үнемли пайдаланыў ушын имканиятлар жаратылған. Соның менен қатар пән дөгереклери ислеп тур. 

Колледжимиз жақын үш жыллықтың ишинде екинши басқыш пән олимпиадасында I ҳәм II орынларды алып киятыр. Оған пән муғаллимлеринен Джузганова, Халмуратова, Жуманазарова, Турсынбекова, Жәдигерова, Султанова, Матмуратова, Алламбергенова атларын атап өтиўге болады. 

Жас әўладты Ўатанға мухаббат, миллийғәрезсизлик идеяларына садықлық руўхында тәрбиялаў, тәлим дәргайымызда руўхый-мәдений ҳәм спорт тараўларында, белгили сәнелерде   өткизилетуғын  бәрше кешелерге колледжимиздин «Камолат» жаслар ҳәрекетиниң жетекшиси Идрисова Раушан белсенди қатнасып келеди. Идрисова Раушанның басшылығында өткизилетуғын барлық кешелер жүдә жақсы нәтийжелер менен тамамланады. Ал жарысларда болса сыйлықлы орынлар алыўға ерисемиз. Мәселен, қалалық масштапта өткизилген әскерий жарыс «Суңқарлар» да  сыйлықлы биринши орынды алыўға, зоналық өткизилген «Сиз ҳуқықыңызды билесиз бе?» жарысында екинши орынды алыўға миясар болдық. Әлбетте бул жерде пән муғаллими С.Ниетуллаева көмек көрсетти.

Жаслардың арасында  жылма-жыл өткизилетуғын  «КХЗ» жарысларға да, бир-биринен қызық  дәстүрлер менен  қатнасып   сыйлықлы орынлар алып келмекте.

Ҳәр бир байрамларға жаңа дәстүр енгизип, оның қызықлы ҳәм мазмунлы өтиўи ушын салмақлы улес қосып келеди.

Елимизде тәлим  дизимин түптен реформалаў, бул тараўда заманагөй тәлим жетискенликлери менен тәжирийбелердиң иске асырылыўы нәтийжесинде колледжимизде  Корея проекти бойынша  еки оқыў ханасына компьюторлар орналастырылды. Соның менен бирге «Радио-телемеханика» бойынша да үскенелер орнатылды. 

таярлаған: Қудайбергенова Патпа

 
 
 

Нөкис турмыс хызмет көрсетиў ҳәм экономика кәсип-өнер колледжи